Niset për në Kukës për të blerë një makinë më pas largohet drejtë Kosovës ku humbasin gjurmët e tij.

ZHVILLIMI I FUNDIT
(27.11.2006)

Zhdukja misterioze, rrugës për të blerë makinë në Kosovë

Ziadin Kastrati lindi në Kukës, në 25 dhjetor 1980. Në qershor të vitit 2000 ai niset me 300 mijë lekë të reja për të blerë një makinë në Kosovë. Ai niset nga Durrësi për në Kukës, te personat ku familja kishte kontaktuar për të blerë makinën. Qëndron për disa ditë tek xhaxhai, ku nuk tregon arsyen pse kishte shkuar. Qëndron në Has disa ditë dhe në 18 qershor niset me Mustafa Gaxhan, shofer fugoni dhe Faik Gaxha e Sokol Ymeri, për në Gjakovë. Dy ditë më vonë, shoferi i furgonit takon vëllain e të atit dhe i thotë se Ziadini ka përfunduar në burg dhe pas kësaj, i ati shkon për të verifikuar këtë informacion. Interesohet në Prokurorinë e Gjakovës dhe ky lajm është i vërtetë, por ndodhi diçka. I ati takon një dënuar tjetër që bënte burg me emrin e Ziadin Kastratit. Prej asaj kohe nuk ka asnjë informacion për Ziadinin.