Nëntorin e vitit 1995, pas tre muajve fejesë, Brunilda Alla do të nisej për në Itali me skaf me të fejuarin. Dy skafe janë përplasur në det dhe sipas njoftimeve që u erdhën familjes Alla, në njërin prej tyre ishte edhe Brunilda me Ervinin. Mirëpo, të njohur të ndryshëm të familjes i kanë folur për një vajzë shqiptare që i ngjan asaj dhe që ndodhet në Itali. Së fundit, Drita, e ëma e Brunildës ka kërkuar ndihmën e Jetë në Kërkim për të zbardhur misterin e zhdukjes së të bijës.