Gjendet matjani i humbur në 10 dhjetor

Nga:Gerti Xhaja
g.xhaja@gazetashqiptare.com
Gjendet brenda tri ditëve 25-vjeçari Emiljano Biba, nga Gurra e Matit, i zhdukur qysh në datën 10 dhjetor të këtij viti. Ishte larguar në drejtim të fshatit Gërmon dhe Fushë-Krujës, por askush nuk dinte se përse ishte larguar dhe çfarë mund t'i kishte ndodhur 25-vjeçarit gjatë rrugës. Janë dashur vetëm pak ditë, që gazetarët të lokalizojnë matjanin që kishte probleme mendore. Jetë në Kërkim, organizoi një edicion special në programin e lajmeve në NEWS 24 tri ditë më parë, duke mundësuar gjetjen e të dhënave për vendndodhjen e Emiljanos. Falë punës së gazetarëve të Jetë në Kërkim, u mundësua gjetja dhe bashkimi me familjen, ende pa dalë në emisionin e radhës, së të hënës në mbrëmje në NEWS 24.