ZHVILLIMI I FUNDIT
(07.05.2007)

Pas 13 vitesh gjenden gjurmë të mirditorit

Ka humbur në drejtim të Greqisë 13 vite më parë, ndërsa familja ka vetëm disa biseda me mirditorë të tjerë, të cilët thonë se ndodhet në Athinë. Por cila është e vërteta e zhdukjes misterioze të 37-vjeçarit nga Rrësheni i Mirditës, Gëzim Reçi? Në janar të vitit 1992, ai u nis së bashku me shokun e tij, Armin Tusha në drejtim të Greqisë. Prej asaj dite, familja nuk ka pasur asnjë kontakt me Gëzimin, veç fjalëve që u vinin nga të njohur të tjerë për ekzistencën e tij në shtetin helen. Së fundmi, kërkimeve të tyre për të mësuar se ku gjendet dhe për të ndërmjetësuar në ribashkimin pas 13 vitesh me familjen, u janë bashkuar edhe gazetarët e "Jetë në Kërkim". Në emisionin e të hënës kanë mbërritur disa informacione, por që gjatë javës pritet të klasifikohen dhe verifikohen nga stafi i gazetarëve.